وربي انهلكت عشان اجيبلكم موضوع التمويج دا واعزرونا على التاخيييير معليييش بس وربي مو بيدي
طيب ندخل بسرعه في الموضوع
التمويج:فن من فنون البريك دانس واكترها انتشارا حتى اللي ما يعرف البريك يحسبو عباره عن تمويج(اسأل اي واحد في الكون ما يعرف يرقص ....تعرف ترقص؟)اول شي تشوفو فيه انو يموج يدو
بس وربي التمويج يحتاج مرووووووووووووونه عاليه (عشان كدا البنات احسن من الشباب في دا المجال)
لانو ما يحتاج شد الجسم والحركه بالاعصاب بس جرعتين مرونه وتمارين عليها
التمويج يبدا بنفس بدايه التكسير(الدرس اللي قبل دا) من اليد الى البطن وبعدين الرجول وبعدين نطلع على اليد التانيه(بس البطن لازم تكون ممرنه على التمويج وهي تمارين سهله...اكتم نفسك وارفع صدرك بعدين ارخي صدرك لاسفل بطنك وكدا فوق تحت فوق تحت الين تجيك الليونه حقت البطن)واليد نفس الكلام من الكتف لليد ومن اليد للكتف الين راح تجيبها.........وبالنسبه للرجل عشان تدخل فيها الموجه ممكن تقوم بحركه الموون ووك=سحبه مايكل.......او تطورها ويتلف على نفسك وانت تسحب وتجي مررررررره اليمه
.................................................
الحلو في التمويج انو انت تقدر تخلطو مع التكسير وتطلع استايل جديد وهو البوبلوك بحيث انو انت تموج جسمك بعدين تدي دس(الدرس الماضي)والدس دا يكون نقطه التحول بين التمويج والتكسير
............................................................................
طبعا مستر ويغلز(المبدع راجع الدرس الاول ..التكسير)هو اكتر من ابدع الفن دا عن طريق معلمو بوجالو سام
ودحين في اسطوره في التمويج اسمه ليكويد=السائل هادا هو اسمو وهو فعلا سائل
ملاحظه:اعتقد معظمكم شاف داك اللبانه ابو التيشرت البرتقالي بس احب اقول انو هو مايرقص
او بالاحرى هو بيستعمل قدرات خاصه تنفع تكون في سيرك اصرف
......................................................................
وفي وحده لاااااااا مررررررره حلوه اسمها روز روك البنت هادي تموج بشكل مو طبييييييييييييييعي ابدا
وهي تعلم بريك دانس وعضو في فرقه روك ستيدي كروو اللي قائدهم(الاسطوره كريزي ليغز.....الدرس الماضي)
.............................................................................
احسن الغاني اللي تركب عليها هي اغاني البريك دانس اولد سكووول وممكن اديكم بعض الاغاني هادي زي
get freaky.....music instructor
we are gonna rock you........freestyle project
music for my body music for my soul....freestyle project
وغيرها الكتيييييير من اغاني البريك دانس اللي تجي عليها الكومبو=الحركات المركبه من تمويج وتكسير (بوبلوك)
....................................................................ويعتمد التكسير في الدرجه الاولى على المرونه والليونه وهادي لها تمارين قلتلكم عنها
وعلى نوع الاغنيه كمانا يعني مو ترقص على دس او على اغنيه هيب هوب (على الاقل قدام العيال عشان لا يقولو عنك غشيم
)
...............................................................
يارب يكون استفدتو شي اليوم واعزروني بس وربي تعبت في الموضوع>>>يدور فرش ناعمه على الموضوع
نسيت اقولكم انو من اشهر اللي رقصو هم :
ريتشارد البريطاني
تشارلي
ويغلز
روز روك
مستر انيميشن
ومع السلاااااااااااااااااااااااااااااااااااااااااااااااااااااااااااامووو