السير بوغالو سام مبتكر البريك دانس الاول

السلام عليكم يا حلويييييييين كيف الحال؟
اليوم عندنا موضوع جديد يا حبايبي اللي هو عن اول من وضع البريك دانس وقوانينو
اولهم BOOGALOO SAM بوغالو سام
سامويل بوغالو مبتكر الاليكتريك بوغي ELECTRIC BOOGIE واول ما بدا الكلام دا كان عمرو 14 سنه في اوائل الستينات عن طريق الصدفه حيث انو كان يحاول يجمع بين الرقصات الافريقيه القبليه بعد ما عرف تاريخ قارتو السمراء وحاول يدمج معاها بعض الرقصات المنتشره داك الوقت منها السالسا والسالون ......الخ (عاد تعرفو دا النوع من الرقص اللي لازم يكون فيه بدله وفستان)وبعدين عمو شافو وهو يرقص في الحديقه الخلفيه وقام قللو DO THE BOOGALOO هنا جا الالهام على راس بوغالو ولمن بدا ينشر رقصو كان في حواري برونكس زي( الكرنتينا في جده وام الحمام في الرياض هههههههههه) اشهر حواري نيويورك والعالم(اللي زاكر الدرس الاول يعرف انو الحاره هادي اشهر حاره في العالم وهي منبع الهيب هوب)المهم بوغالو لمن بدا كان البيض يحاربوه لانو استخدم الرقص دا بشكل تعبيري اكتر عن حاله السود والعنصريه القايمه وقتها بس لقيلو انصار كتير ساعدوه اللي اعضاء الاليكتريك بوغي الكبار وهم

Skeeter Rabbit Suga Pop Boogaloo Sam Slide (Nate) Robot Joe Toyman Skeet Tickin Will Twist O Flex Don Popin Pete Tickin Deck Robot Dane Puppet Boozer Creepin Sid Scarecrow Sculley King Cobra King Python Mr Wiggles

وهدولا جو من مختلف اقطار امريكا بس معظمهم كانو اصحاب اصول افريقيه او لاتينيه ...................ومن بعد ما قام بوغالو سام انشاْ اكبر واقوى فرقه على مر العصور وفي الاي بييز او THE EB'S اختصار لاليكتريك بوغالو
ودحين سار لهم اعضاء كتييييييييييييير منتشرين في جميع الكره الارضيه وكمان طلعت رقصات جديده متعلقه بالبوغالو اللي هي الاساس ومنها
التمويج=WAVING
التكسير=POPPING
واللوكنج LOOKING اغربها واللي ما يعرف الرقصه هادي راح يحسب انها مجرد حركات مالها معنى بس هي لو تدرو الاكتر تعقيد ومبتكرها اسمو DON CAMPBELL المهم انو لكل حركه من دولي قصه راح احكيكم عنها في حلقات ولكل حركه مبتكر المهم انو عائله بوغالو هم الاشهر وهم
1)BOOGALOO SHRIMP
2)JONIOR BOOGALOO
3)POPPIN' PETE
4)SKEETER RABIT
طبعا اسكيتر رابت مات العام سنه 2006 وهو ابن بوغالو سام واحد من اكتر من ساند الستريت دانس واتعزبو من البيض عشان ينشروه.................
يا شباب انا واحد من الاي بييز وعندي كل ايميلاتهم ومن الناس اللي قابلو بوغالو شخصيا واي اي واحد اهتم بالموضوع ممكن يكلم بوغالو ويسألو عن طريق رقمو الموجود عندي ..............................
ان شا الله يعجبكم الموضوع وهادي هي بدايه المسلسل اللي راح يتكلم عن مبتكر رقص كل مرره ومين اول من ساندوه واشهر راقصي العالم اضافه الى بطولات وفيديوهات وربي ماهي عند احد غيري
سلااااااااااااااااااااااااااااااااااااااااااااااااااااااااااااااااااااااااااامو

حركات يا بولو طلعت خطيييير
ما اتوقعت منتدى البريك دانس
حركااااااااات للدرجه هادي
تقبل مروري
سسلاااااااااااامو

الله يسلمكم ومشكووووووووورين بجد على دا الاهتمام وان شا الله راح تشوفو اكتر .........

صحيييييييييييح يا بولو والله طلعت فاهم منتا خارشها
ههههههههههههههههههههههههههههههههههههههههههههههه
مشكوور وربي يعطيك العافيه
تقبل مروري